Söfnin á Suðurlandi
Á Suðurlandi má finna söfn við allra hæfi, bæði ný og gömul. Á Skógum má finna sögusafn sem leiðir mann í allan sannnleika um líf bænda og búaliðs á öldum áður. Í Vík í Mýrdal má Brydebúð, annað elsta hús á Suðurlandi og þar má sjá sögu ýmsra skipstranda sem voru tíð á öldum áður. Í sögusetrinu á Hvolsvelli má upplifa Njálu uppá nýtt en einnig er þar að finna svokallaða Kaupfélagssýningu þar sem rakin er saga verslunar og viðskipta á Suðurland í um 100 ár. Safnið er einnig einstakt af því leiti að þar er að finna muni sem hafa verið notaðir í verslunum víða um land en hafa verið leystir af hólmi hvort sem það hefur verið vegna tæknibreytinga eða breytinga í þjóðfélaginu. Á Selfossi er svo að finna Listasafn Árnessýslu.
Í Vestmannaeyjum má skoða Pompei Norðursins, sem er talið eitt áhugaverðasta safn sinnar tegundar í heimi. Hægt er að skoða þau heimili sem fóru undir ösku í Vestmannaeyjagosinu árið 1973 en þessi heimili hafa nú verið grafin upp. Nálægt rótum eldfjallsins Heklu má finna Heklusetur, nánar tiltekið á Leirubakka, og er þar hægt að skoða hvernig þetta víðfræga eldfjall hefur haft áhrif á íbúa landsins um aldaraðir. Draugasetrið á Stokkseyri býður uppá draugasýningu af bestu gerð og er farið yfir sögu frægra drauga sem hafa herjað á Sunnlendinga. Einnig er að finna álfa, trölla og norðurljósasafn í á sama stað. Í næsta nágrenni er hótel, veitingastaður, tjaldsvæði og margt fleira.
Þetta er aðeins brotabrot af þeim söfnum sem eru í boði á Suðurlandi, aðeins steinsnar frá Reykjavík. Upplifðu það nýja og það gamla, travelsouth.is
